نجوى المالحي-كود//
المغني سعد لمجرد ولا كيحط تصاورو في صفحاتو الخاصة بلاما يكتب أي تعليق، وفي المقابل كيدير هاشتاكَ “#الله ينصر سيدنا”.
لمجرد لي مازال ماخداش البراءة من قضايا الاعتداء الجنسي لي متورط فيها في فرانسا، باقي كيدير اسم محمد السادس في كَاع تصاورو، ومابغاش يفهم انه فالحالة ديالو من الاحسن يخلي ملك البلاد بعيد عليه.
الملك ماخاصوش يتجبد مع فنان غارق دعاوي واتهامات بالاغتصاب، احتراما لشخصو.
وكان سبق للمجرد ودار اغنية على الملك، وحطها فقناة يوتوب ديالو، وكان تعرض لعدة انتقادات من ناس قالو ان واحد متابع قضائيا ماخاصش يجبد الملك، وكيف كيقول المثال لكل مقام مقال.
