نجوى المالحي-كود//
دخلات المغنية والممثلة سحر الصديقي على خط الضجة لي ناضت على بسمة بوسيل وراجلها تامر حسني، بعدما علنات قدام الجميع أنهم انفاصلو، وهادشي لي خلا بعض الناس يشمتو فيها.
سحر الصديقي لي كانت دايرة لايف مع الممثلة إبتسام العروسي قالت أنه ماشي أي مرا كطلق راها مسكينة وكتعاني، بالعكس تقدر تكون سعيدة وتهنات من واحد الوضع لي كان معذبها.
سحر الصديقي وجهات كلامها لهادوك لي ضحكوا وشمتوا في بسمة بوسيل، وقالت ليهم راه الطلاق عمروا كان عيب ولا عذاب، غير بنادم فاهم خطأ، وأنا كنعرف ناس طلقوا عاد تهناو.
