الرئيسية > آش واقع > سبيطارات كازا سطات عمرات بنسبة 83 فالمية.. والوزارة غتبدا تعالج المصابين بكورونا فديورهم
03/08/2020 11:30 آش واقع

سبيطارات كازا سطات عمرات بنسبة 83 فالمية.. والوزارة غتبدا تعالج المصابين بكورونا فديورهم

سبيطارات كازا سطات عمرات بنسبة 83 فالمية.. والوزارة غتبدا تعالج المصابين بكورونا فديورهم

عفراء علوي محمدي- كود/

كشفات ولاية جهة الدار البيضاء سطات أن نسبة ملء السبيطارات الخاصة باستقبال مصابي فيروس كورونا المستجد فالجهة بلغات 83,77 فالمية، وهذشي فحدود 31 من يوليوز اللي فات.

ووضحات الولاية، فبلاغ ليها، أن المستشفى الميداني للمعرض الدولي بالدار البيضاء ، ومستشفى بنسليمان ، ومستشفى الجديدة، مطرطقين، ومابقاوش فيهم بلايص بزاف، بحيث 1616 سرير عامر من أصل 1929 سرير كاين فالطوطال، وبالتالي غير 313 لسرير اللي باقيين خاويين، وهو عدد قليل بزاف.

ومصادر إعلامية متطابقة كثيرة تحدثات على نية الوزارة فمباشرة علاج جميع مرضى فيروس كورونا من الدار فالأيام القادمة.

والوزارة كانت قالت فدورية ديالها أنها غادي تقلص من مدة الحجر الصحي على المصابين اللي صحتهم مزيانة ومابايناش فيهم أعراض، كيف غادي تستعمل غير تحليلة وحدة باش تتأكد من الشفاء ديالهم وماشي جوج، وهذشي باش تنقص عليها بمادم فالسبيطارات.

وبالنسبة للناس اللي عاود بانت فيهم أعراض او تاكدات إصابتهم مرة اخرى، غيلزمو الحجر الصحي فديورهوم، ويتبعو العلاج ديالهم بلا مايخرجو من الدار، حتى يعاودو يديرو تيست جديد كيأكذ شفاءهم.

والإصابات بكورونا ارتفعات بوتيرة مقلقة، بحيث تسجلات أزيد من 3200 إصابة فظرف أربعة أيام فقط.

موضوعات أخرى

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو