كود- وكالات//
اعلنات وزارة الصحة الإسبانية على ارتفاع عدد الإصابات بفيروس كورونا ل85 ألف و195، بمعنى تزادو عدد الإصابات غير هذ الصباح ب6 آلاف، و398 إصابة.
وبهذشي كتكون سبانيا تجاوزات عدد المصابين فالشينوا، الدولة اللي بان فيها الفيروس أول مرة، وحلات فالمركز الثالث بعد ميريكان اللي عندها 140 ألف و886 إصابة، والطاليان اللي عندها 97 ألف و689 إصابة.
وحتى عدد الوفيات فسبانيا تزاد اليوم، الوزارة علنات ارتفاع عدد الوفيات ل7 آلاف و340 وفاة، بعدما سجلات لبارح 6 آلاف و528 وفاة، بمعنى عدد الوفيات تزادو اليوم ب812 حالة وفاة.
