الرئيسية > كود سبور > ساعات قبل ماتش المغرب ضد غانا. الجمهور بدا يدخل للتيران وحصار امني كبير
10/01/2022 14:00 كود سبور

ساعات قبل ماتش المغرب ضد غانا. الجمهور بدا يدخل للتيران وحصار امني كبير

ساعات قبل ماتش المغرب ضد غانا. الجمهور بدا يدخل للتيران وحصار امني كبير

كود ياوندي ///

3 سوايع قبل الماتش بدا الجمهور يدخل للتيران. العدد قليل ولكن كاين شي بركة. باش توصل للتيران ديال احمدو احيدجو بحي مفاندينا بياوندي خاصك تضرب طواالة. كلشي محاصر. البوليس داير الباراج الاول وبعدو المنظمين والجيش موجد. غير الدخلة للتيران تعطي الانطباع على الوضعية الامنية بالبلاد. القضية صعيبة والدولة خايفة من عمليات لتيارات قومية وارهابية. كانت خرجات تهديدات قبل. 

البارح الكاميرون عطات صورة مشرقة على البلاد. على ديناميتها. الافتتاح للي كان تأييد لحكم رجل الكاميرون القوي بول بيا عطا نتيجتو. كلشي داز هو هاكاك. رئيس اتحاد كروي من دولة افريقية جنوب الصحرا تلاقاو “كود” هاد الصباح قال باللي الكان سالا البارح. سالا حقاش اللي قلبات عليه السلطات المحلية اللي قلب عليه الرئيس تحقق. افتتاح فيه فرجة وبحضور جماهيري كبير ونقلاتو دول كثيرة وفوق هاد الشي السوريز على الگاطو ان الماتش سالى بانتصار الكاميرونيين على بوركينافاسو بجوج لواحد. 

المسؤول الافريقي اللي عارف خبايا الدول قال ل”كود” باللي ما بقى يهم والو دابا.

دابا هاد الشي بان البارح فماتش الرأس الاخضر ضد اثيوبيا عن نفس المجموعة وفنفس الملعب اللي لعبات فيه الكاميرون. الجمهور كان قليل بزاف بزاف. ما بقى حد فملعب اولمبي. هاد الملعب اللي غادي يبدل اسمو. غادي ياخد اسم الرئيس الحالي بول بيا. جا البارح وشافو وعجبو.

نرجعو لماتش المغرب ضد غانا عن المجموعة الثالثة. التيران اللي حتى هو باسم رئيس كاميروني سابق كيبان عادي. الدخول ليه صعيب. كيطلبو البي سي ار طبعا نيگاتيف وكيفتشوك تفتيش بسيط مقارنة بعدد الامنيين لكثار اللي فكل قنت.

دابا فالملعب كلشي واجد لماتش المغرب ضد غانا. ماتش محتاج يربح فيه الاسود باش يطلعو المورال للمغربي اللي واكلها من بزافت الجوايه. 

موضوعات أخرى

29/03/2024 13:17

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 13:00

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 12:50

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات