كريم الصوفي – كود//
أبطلت المحكمة العليا الاسبانية، قرار سابقا للمحكمة الوطنية حول رفض منح الجنسية الاسبانية لمواطنة مغربية عمرها 47 عام وكتعيش ف اسبانيا من عام 2000، واخا سقطات ف اختبار المعرفة السياسية والاجتماعية والثقافية اللي خاص المهاجرين ضروري ينجحو فيه باش يثبتو اندماجهم ف المجتمع الاسباني وياخذو الجنسية الاسبانية.
وقالت تقارير اخبارية، أن المحكمة العليا استندات ف قرارها التاريخي على الطعن الاستئنافي اللي قدماتو المهاجرة المغربية وقالت فيه أنها تحرمات من حقها ف التعليم في بلادها الأصلية بسبب وضعها كامرأة. هاذ المعطى خلا المحكمة العليا تمشي عكس المحكمة الوطنية وتفتح الباب قدام حالات أخرى لمهاجرات عاشو نفس الوضع في بلدانهم الاصلية.