الرئيسية > تبركيك > زيان لـ”كود”: ادانة مول الكاسكيطة كتعني بللي حرية التعبير محدودة فالمغرب وحنا مابقيناش أحرار
18/02/2020 11:00 تبركيك

زيان لـ”كود”: ادانة مول الكاسكيطة كتعني بللي حرية التعبير محدودة فالمغرب وحنا مابقيناش أحرار

زيان لـ”كود”: ادانة مول الكاسكيطة كتعني بللي حرية التعبير محدودة فالمغرب وحنا مابقيناش أحرار

عفراء علوي محمدي- كود//

فالتعليق ديالو على تأدييد محكمة الاستئناف فسطات الحكم الصادر في حق محمد السكاكي المعروف ب”مول الكاسكيطة”، قال محمد زيان، عضو دفاع المدان، بللي “هذشي كيبين لينا بللي حرية التعبير عندها حدود فالمغرب”.

وزاد زيان كيقول، فتصريحو ل”كود”، بللي الحكم صادر فإطار سياسة معينة اللي كتخاول تقلص من الحريات، وتحديدا حرية التعبير، لانها ماشي مطلقة فالمغرب.

وأكد بللي “الحرية أصلا عمرها كانت مطلقة فحتى شي بلاصة، لكن هذ الحكم أكد هذشي بالملموس، وحتى مجتمعنا كيحد من هذ الحرية.. حنا للأسف مابقيناش أحرار”.

وأيدات استئنافية سطات الحكم الابتدائي على السكاكي، وتابعاتو ب4 سنين ديال السجن النافذ، وغرامة قدرها 40 ألف درهم بجنح سب الأفراد والإخلال العلني بالحياء بالبذاءة في الإشارات والأفعال، وإهانة المؤسسات الدستورية وحيازة المخدرات.

وكان “مول الكاسكيطة” تشد من بعد ما نشر فيديو كيسب فيه المغاربة وكيمس بالمقدسات والمؤسسات الدستورية، وهذشي بعدما توصلات النيابة العامة بشكايات تقدمات بيها جمعيات المجتمع المدني ضدو، على اعتبار أن العبارات اللي قال فالفيديو ماعندهاش علاقة بحرية التعبير، وكتشكل جرائم يعاقبل عليها القانون.

وللإشارة، فهذي ماشي أول عقوبة سجنية ل”مول لكاسكيطة”، حيت سبقليه كان دوز 8 شهور ديال الحبس بسبب إدانتو بتهم إهانة موظف والتشهير والدعوة لتنظيم تظاهرة غير مرخصة.

موضوعات أخرى

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟