انا ماشي كاتب و ميمكنش ليا نكون كاتب و ماكينش علاش خاصني نكون كاتب و حتى الشروط ماكيناش حيتاش ديما كنت كانشوف الكاتب كيكتب بقلم ماشي بكلافي و في كتاب ماشي في الوورد و مشاعل حداه شمعة و لا شي لامبة و مرايح في شي برتوش ديال بصح فيه الكبة و الساطة لي حتا هما كيستمد الالهام منهوم
هادشي لي كندير دبا يمكن يتصنف زندقة كتابية و كيفما كانو زنادقة في الجزيرة العربية فحال الرواندي
ابن المقفع بانو زنادقة في شمال افريقيا في العقود الاخيرة و كيفما كولشي كيطور فحتى الزندقة مقدرتش تفلت من ركب تطور و لا غير تزندق عليه..
كاينين زنادقة كلاسيك و لي نقرضو في الاونة الاخيرة و لكن الطفيليات مزال كاينة كايبانو خصوصا في المسيرات ديال عشرين فبراير لي كنت متطفل عليها انا واحد الوقت ولكن دابا عفا الله هاد زنادقة كيقراو العناوين ديال الكتب ديال فرج فودة و كيسمعو الشيخ احمد و دايرين دويلة صغيرة بيناتهوم كتلقا فيها مشاعية جنسية و إقتصاد رأسمالي لي كيتميز بوجود جوج طبقات برجوازية وبروليتارية خلاها ماركس زندقة البروليتارية هي اقود زندقة يمكن يعيشها الواحد ماكينش الفودكا كاتسمع غير ماء الحياة وقحاب ماركس هما لمكفصين الفم زرق بجوانات صراحة مكاينش علاش نكمل باش مايجينيش الغيثان و تقية ..
كاين نوع اخر ديال الزندقة هاد نوع مبرد و مامبينش بزاف فاهم بلي ماخاصوش يفهم كاين فيه لكيسمع البيتلز و سكربيون و كاين فيه لي كيسمع البوب و الالفا بلوندي كيقدسو الموسيقى و جوان وشعر حتا هو و هاد نوع زندقة ديالو صامتة غير من التحت و قليل لي كيفهمها و حتا الى فهامها خاصو يدير بلي ما فهام والو ! علاش ! مانعرف !
مؤخرا بان نوع جديد د زندقة لي هو امتداد للزندقة الكلاسيكية هادي زندقة نيو كلاسيك لي كتبان غير في المناسبات الدينية علي وجه الخصوص فحال من رمضان لرمضان باش يطالبو منين يبغيو يقاسيو ايجيو المغاربة كاملين يتفرجو فيهوم كيقسيو باش يبانو فشكل وحيت هما فعلا في شكل كاين لي بان فقنوات فرنسية و كاين لي دبر على كرو بفيسا بعدما ساهم في تطوير الوعي الحقوقي في المغرب.
و باش نعطيو لكل واحد حقو را حتا العيالات لي ماتعارفوش بالزندقة في الجزيرة العربية وصلاتهم الزندقة لي بدات في اليسار و سلات ليبيرالية تحت اسم فيمينيست و خداو البزازل شعار للزندقة ديالهم ما غاديش نكول ان تجربة نجحات وانما في المغرب من غيرهاديك بنت صويرة لي اصلا ما عندهاش البزازل ! تجربة طلعات لينا شي زوامل لي تاهما عراو علا بزازلهم تساؤل هنا كون خدات الحركة شعار ديالها هو طبون كان من الممكن هادوك زوامل اكون عندهوم طبون إعريو عليه !! نخاليو ليهوم الاجابة منين الفيمينيست يوصلو لمرحلة تغيير الشعار!
الزندقة كاين لي كايشوفها مصطلح قدحي كاين لي كايشوفها مصطلح مدحي وانا كانشوفها مصطلح ودحي لي جات من الودحة لي كاتكون في صوفة ديال الخرفان ريحتها عند الكساب بحال المسك و حسن كاع و لي الغالبية مكتحملهاش و كتفكرها في البهايم