نجوى المالحي – كود//

في العالم عامة، والمغرب خاصة، ما بقاوش المبدعين والموهبين عندهم بلاصة، والتفاهة هي لي ولات مسيطرة، والفنانين الحقيقيين رجعو اللور.

هادشي لي واقع مع الفنانة هدى الريحاني، لي هاجرت قبل سنوات لكندا، واخا هي فنانة حقيقية، وقدرات تفرض راسها بأدوار كبيرة، خصوصا فاش مثلات دور السعدية في فيلم “البرتقالة المرة”.

هدى الريحاني هاد الايام لاحت صورة على حسابها في انستكَرام، وقالت انها دخلات عالم الدوبلاج، السؤال هو كيفاش ممثلة كبيرة بحال هدى الريحاني ترجع للوراء وتخوي الساحة لعارضات الأزياء والمؤثرات، والمخربقات لي بغاو يدخلو لهاد الدومين واخا ماعندهم لا موهبة، لا فورماسيون لا والو..

هذا زمان، التافه هو لي صادقالو فيه.