النادي كان وعد بتحقيق داخلي. اليوم خرج بيان باللي القضية تسدات.
لكن باش ترجع لتدوينة نائبة العمدة واللعاب المغربي كيبان ليك التناقض. المنتخبة الفرنسية كتبات “بعد مقال “ار ام اس” كنأكد باللي تبادلت لكلام مع لعاب تولوز والنادي”. يعني كتاكد باللي كانت بيناتهم الهدرة وما كشفاتش على مضمونها. واضافت “بغيت نطوي صفحة هاد لانسيدون اللي أثرات علي وعلى اقربائي” واكدات باللي “القضية تطوات وما غاديش نبقى نجبد الموضوع. شكرا لاحترامكم قراري”
ابو خلال اكد اللقاء مع نائبة العمدة ولكن زاد باللي تم الاتفاق مع هاد المنتخبة باللي تقارير “”ارم ام سي” لا تتماشى مع ما حدث يوم 30 ابريل بالكابيطول. هاد لكلام ما قالتوش لورانس اريبادجي. ما نفاتش المضمون. قالت “تبادلت لكلام مع لعاب تولوز” بلا ما تجبد اسمو كاع. علاش ابو خلال قال رواية مختالفة بل متناقضة مع الرواية ديال لورانس؟
ما معروفش لحد الان. ثم هو وهي قالو باللي بغاو يوضعو حد للجدل اللي تسبب فمشاكل ليهم بجوج ولعائلاتهم٬ كيفاش كيف قالت “ليكيب”٬ كيوجد يدعي “ار ام سي”. ايلى مشاو للقضاء يعني غادية تجي نائبة العمدة تقدم روايتها عند القضاء. يعني فيلم اخر غادي يبان