جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية
كود الرباط //
كشف رئيس الأمين العام لحزب العدالة والتنمية، سعد الدين العثماني، مساء اليوم الأربعاء، أن هادي 6 شهور باش وجه حزب البيجيدي دعوة لرئيس المكتب السياسي لحركة “حماس”، إسماعيل هنية، باش يجي للمغرب.
العثماني أوضح خلال حلوله ضيفا في برنامج “لقاء مع الصحافة”، على أمواج الإذاعة الوطنية، أن التوقيت ديال زيارة هنية مرتبط بسياقات كاتتعلق بالوضع الداخلي الفلسطيني، مضيفا أنها كاتدخل أيضا في إطار تأكيد انخراط العدالة والتنمية في دعم الشعب الفلسطيني.
وبخصوص واش كان استغلال زيارة هنية للإنتخابات الجاية، زاد العثماني أن اختزال هاد الزيارة فـ الإنتخابات غير ذي موضوع. وزاد: “راه كان ممكن أن تستجيب حماس للدعوة في الشهر الأول أو الثاني ماشي حتى لدابا”.
وأكد أن زيارة هنية ماعندش الأمانة العامة للحزب علاقة بها، حيت هاد الزيارة، حسب العثماني، تحكمات فيها عوامل كثيرة ومنها العامل الأمني عندهم وهادشي علاش تم استقبال هنية والوفد المرافق له بفندق بالصخيرات.