كود: أنس العمري///

بعد تسلقها لأعلى خمس قمم في العالم، باقي ليها غير جوج؛ إفريست اللي هو أعلى قمة في العالم، وواحد في القطب الجنوبي، كل هذا استحقت عليه وسام المكافأة الوطنية من درجة ضابط بمناسبة عيد الشباب في 2015 من يد الملك محمد السادس. إنها المهندسة في وزارة النقل والتجهيز واللوجيستيك، بشرى بيبانو، التي ستتسلق إفريست في أبريل المقبل، وغادي يكون معاها راجلها ولكن ما غاديش يطلع معاها للقمة.

السيدة كتعرف آش كدّير، امشات تمّا وضربت دويرة، وشافت كاتماندو عاصمة النيبال، قبل ما ترجع في شهر أبريل المقبل، في رحلة الصعود اللي غادي تطلع عليها، حسب ما صرحت به لإحدى الإذاعات، بما بين 60 و70 مليون سنتيم، فضلا عن تكلفة الملابس الخاصة. ولكن كيفاش غادي تموّل الرحلة؟ إضافة للداعمين (الصبونصور)، كتجمع تبرعات عبر الأنترنيت مقابل أن تحمل رسائل المتبرعين إلى القمة، ونشرها سواء عبر اللافتة التي سترفعها (إلى جانب العلم الوطني)، أو تبعث لهم بطاقات بريدية من هناك وغير ذلك. المهم فكرة واعرة.