قضاة العدوي ومفتشية الإدارة الترابية دخلوا على خط شبهة التلاعب فالصفقات العمومية بولاية جهة فاس مكناس
عفراء علوي محمدي- كود//
من 7000 طلعنا اليوم الأربعاء 28 يوليوز ل9428 مصاب بكورونا، كأكبر عدد يومي ديال الإصابات اللي تسجلو المغرب من نهار ظهور الوباء فالبلاد.
هذ الرقم خطير واللي كيخلع ناتج عند ارتفاع عدد الاختبارات اليوم، بحيث اليوم درنا 43 ألف تيست ديال كوفيد 19، وكذلك الإصابات ارتفعو بسباب التراخي فتطبيق المواطنين للاجراءات الاحترازية.
واليوم ماتو 27 بالفيروس، و169 دخلو للإنعاش فأقل من 24 ساعة، وطلع عدد الناس اللي كيتعالجو ل37329.
وهذي التفاصيل:
التلقيح:
اليوم تلقحو 451284 بالجرعة الأولى، وصلنا ل12971479 واحد فالمجموع، بينما تلقحو 91235 بالجرعة الثانية، ووصلنا بهذشي ل10015447 ملقح بشكل كامل فالمجموع.
الإصابات:
وتقاسو اليوم 9428 واحد من أصل 43058 واحد دار التحليلة، ووصل عدد المصابين فالمجموع ل597876.
ومؤشر الإصابة التراكمي وصل ل1641,5 لكل 100 ألف نسمة، بمعدل إصابة ديال 25,7 لكل 100 ألف نسمة فهذ 24 ساعة.
حالات الشفاء:
تشافاو اليوم 1766، ووصل الإجمالي ل550883، بنسبة تعافي ديال 92,1 فالمية.
الوفيات:
اليوم ماتو 27، ووصل هكذا عدد الوفيات ل9665، بنسبة فتك 1,6 فالمية.
الحالات النشيطة والحرجة:
وعدد الحالات النشيطة طلع ل37329، وعدد الحالات الحرجة وصل ل810، 169 تدهورات غير اليوم، و23 تحت التنفس الصناعي الاختراقي.
ووصلات نسبة ملء أسرة الإنعاش ل25,6 فالمية.
بالنسبة لتوزيع الإصابات على الأقاليم والجهات فهو كالتالي: