وكالات – كود

الفتاة السعودية رهف محمد القنون، لي هربات من دارهم ومشات دارت اللجوء في كندا منوضة الصداع عوتاني حيت بانت في فيديو نهار رمضان ماديراش الفولار.

شي مجلة كتبات خبر عليها وانتاقداتها حيت بانت لابسة تيشورت كحل وسط المكتبة في ثالث أيام رمضان، وهي تجاوبهم بفيديو قالت فيه “بغاوني ندير الحجاب في رمضان، أنا يالله عرفت أن رمضان دخل أصلا”، في إشارة إلى أنها مكتصومش.

#NewProfilePic pic.twitter.com/lvCRWbOsJw

— Rahaf Mohammed رهف محمد (@rahaf84427714) May 8, 2019

رهف محمد كانت دارت ضجة كبيرة ملي هربات من السعودية ومشات للتايلاند قبل ما تاخد اللجوء في كندا، ودابا كتعيش تما.