نجوى المالحي-كود//
الممثل رفيق بوبكر كشف على قصة مثيرة وفي نفس الوقت مضحكة بعدما عيطو ليه شي مسؤولين في مدينة بعيدة ب 1000 كيلومتر على كازا باش يكرموه.
بطل مسلسل “القسم 8” لي معروف عليه عندو نيشان بحال التران، قال في برنامج تلفزي نهار الجمعة أنه في التكريم عطاوه زربية وهو يبيعها ديك الساعة للعامل بألف درهم.
وقال بوبكر “أنا ووصلت بزز عاد نرجع هاز زربية فيها معرت شحال من كيلو. داكشي علاش ماحشمتش وبعتها ديك ساعات فوق الخشبة وخديت 20 ألف ريال ورجعت بحالي”.
وقريبا غادي يخرج فيلم جديد ديال رفيق بوبكر وغادي يتم عرضو في السينما.