نجوى المالحي – كود //
التأثير في الانستكَرام فيه وفيه، وعائلة الممثل والمخرج رشيد الوالي كيقومو بمشاركة حياتهم بطريقة كتخلي بزاف ديال الناس يتشجعو ويمشيو على خطاهم.
ومرات الوالي، ابتسام شكارة وراجلها ماكيفلتو حتى مناسبة باش يجعو الناس يديرو اللقاح ضد كورونا.
ونشرات ابتسام، تصويرة مع والدتها على حسابها في انستگرام، وكتبات عليها: “ماما خيرة تلقت الجرعة الثانية للقاح المضاد لفيروس كورونا. بالشفاء للجميع”.
الكوبل حريصين أنهم يتقاسمو مع المتتبعين ديالهم لحظات من يومياتهم، خصوصا الشق لي متعلق بكورونا ونشرو تصاور فاش خداو والديهم بجوج التلقيح، وحتى ملي دارو رشيد الوالي.