نجوى المالحي – كود //

الممثل والمخرج رشيد الوالي ، مشا حتى هو مع الموجة الجديدة لي كتشجع مشاهير مواقع التواصل، بحال “تيك توك” و “انستكَرام” و”يوتوب، وباغية تخرجهم من العالم الافتراضي للتلفزة.

الوالي خدام حاليا على اخراج سيتكوم جديدة، غادي تدوز في رمضان الجاي سميتها “قيسارية”، ومن بين الممثلات كاينة سيدة مشهورة في العالم الافتراضي اسمها مريم قدميري.

طبعا، ماعندي والو ضد نجمة “تيك توك” او نجوم اخرين معروفين غير في السوشل ميديا، بلعكس ممكن يكونو موهوبين وعندهم مايقولو، ومواقع التواصل طريقة كيف اخرى باش يوصلو للشهرة ولهدفهم، كان التمثيل او الغناء او حاجة اخرى.. ولكن راهم كاينين فنانين وكوميديين كينشو الذبان حاليا، خاصة مع جايحة كورونا، واخا عندهم مايقولو. وعلاش مامطلوبينش؟ غير حيت الموضا دابا هي هاد المؤثرين والمؤثرات ديال الافتراضي، وهادشي ماشي عادل!

https://www.instagram.com/p/CL91Eg1HBZS/?igshid=1guj7d3gnckhy