نجوى المالحي- كود//
مازالت مراكش كتعيش حالة من النكوص بسبب ازمة كورون، وقرار ابقاء المدينة في المنطقة 2، وكونها بين 8 مدن لي قررارت الحكومة تسدهم ومايخرج منهم حد مايدخل، وهادشي أثر على بزاف ديال المرافق السياحية فيها.
رشيد العلالي نشر صورة من ساحة جامع لفنا لي كتعيش الركود من نهار وصلات كورونا للبلاد، وطبعا بزاف ديال الناس لي كيعيشو منها وفيها مضررين اليوم.
وكتب المنشط التلفزي “ضرني خاطري وأنا كنتمشى فجامع الفنا …الطاقة الإيجابية اللي كانت فهاد الساحة مشات.. بزاف ديال الناس اللي كان كيترزقو من هنا ضاعو.. الأوضاع لا تبشر بخير..نردو بالنا ونفكرو فخوتنا ..بسباب التهور ديالنا غادي نقضيو على رواحنا و على بلادنا”.
