كود الرباط//

اليوم  الجمعة، مجلس النواب أعلن رسميا بلي البرلمانيين والبرلمانيين لي باغين يدخلو للمجلس ضروري  الإدلاء بجواز التلقيح. يعني الجلسة ديال الاثنين ميمكنش يحضرو ليها لي معندهمش الفاكسان.

نبيلة منيب من الوجوه السياسية اللي رافضة التلقيح وضد فرض باسبور فاكسينال، دبا ممنوعة رسميا من ولوج البرلمان.
منيب ساكنة ف كازا، حتى التنقل ديالها ممنوع، يعني صعيب اصلا توصل للرباط، مادام الباسبور فاكسينال ضروري ف التنقل بين المدن.

هاد القضية خلقات جدل كبير على جواز التلقيح فالمغرب، كاين لي رافض الرقابة الشديدة ديال السلطة وكاين لي ضد الجواز. هاد الجدل باقي مستمر، وكاينين مجموعات فايسبوكية ونشطاء وفاعلين رافضة هاد التزيار.