كود الرباط//

انتخب الفريق الاستقلالي بمجلس النواب، قبل قليل، عمر احجيرة، رئيسا للفريق، خلفا لنور الدين مضيان.

انتخاب احجيرة بلاصت مضيان، جاء بعد مسار شاق من المفاوضات والنقاشات بين قيادات الاستقلال، خصوصا في ظل تمسك مضيان بهاد المنصب واخا دوز فيه ما يقارب 20 سنة.

وتم التصويت على احجيرة، اليوم فاجتماع الفريق البرلماني لحزب الاستقلال بحضور الأمين العام نزار بركة.

غير هو بركة واش غادي يدفع بأسماء جديدة ويزكيها ولا غادي يخلي ولاد الأعيان وصحاب النفوذ يطلعو للمنصاب، خصوصا وأنه آخر المعطيات كتقول الأسماء الاستقلالية لي تكردعو من مكتب مجلس النواب، هوما طارق القادري وخديجة الزومي، في المقابل غايترشح كل من عبد الصمد قيوح للنيابة و نجيب الخالدي  من مراكش محاسب، وبنت الأنصاري مروة الانصاري أمينة المجلس.

ومنصب رئيس لجنة القطاعات الإنتاجية فهو عزيز لشهب، بذلك يسيطر أنصار نزار بركة على أغلب مناصب مجلس النواب. بحال هاد المناصب ممسوقش ليهم تيار حمدي ولد الرشيد. هادو مزال فالترشيح، فانتظار شكون يطلع بالتصويت.