فيروس متحور خطير بدا كينتاشر فإفريقيا.. كيقتل نسبة كبيرة من المصابين بيه
كود سبور//
نجح الرجاء الرياضي فخطف خدمات حمزة خابا المهاجم السابق ديال أولمبيك آسفي من بعدما عطى اللاعب بظهرو للعربي الكويتي ليكان اتفق معه من قبل باش يلعب فالصفوف ديالو لمدة ديال موسمين.
وكيفما كان متوقع فالرجاء علن قبل قليل على فالتوقيع مع حمزة خابا لغينضم ليه إبتداء من الموسم المقبل، مستغلا رغبة اللاعب باش يبقى فالمغرب لأسباب شخصية، وهي الأسباب ليخلات خابا يتراجع عن الانضمام للعربي الكويتي ليكان اتفق معاه باش يلعب فيه لمدة موسمين قبل ما يتراجع على هاذ الفكرة ويبقى فالمغرب.
وكيتمنى الرجاء الرياضي والجمهور ديالو تكون صفقة حمزة خابا فال خير على الفريق الأخضر، ليكان كيعاني الموسم الماضي من عقم هجومي كبير، بحيث أن النسور هاذ الموسم معولين ياكلو الأخضر واليابس ويعوضو الموسم الكارثي المنصرم ليخرجو فيه بصفر لقب.