وكالات //

حذرات الدكتورة بيثرا هيدالكَو (Bertha Hidalgo) فجامعة ألاباما (University of Alabama) فمدينة برمنكَهام الميريكانية من شيتة السنان ديال الناس اللي تقاسو بفيروس كورونا.

وقالت الدكتورة أن الواحد بمجرد ما يصح من الإصابة بكورونا خاص يعقم دارو ويلوح شيتة السنان ديالو ومايحتافظش بيها.

ووضحات بيثرا أن الفيروس يقدر يعيش لمدة 3 أيام ومن الأحسن الواحد يحيدها ويبدلها بوحدة جديدة ويهني راسو.

وللتذكير فإن لابروص دالسنان أصلا خاص نبدلوها مرة كُل 3 حتى لـ4 شهر، ومامزيانش نبقاو خامين بنفس الشيتة لأشهر طويلة.