على المواطن الجزائري أن يستفيد من خريطة المغرب! إذا فشلت في حياتك. أو في الحب. أو في أي امتحان. أو أصبت بكسر. أو بالتواء في الكاحل. فقل السبب هو خريطة المغرب
كود كازا ///
هادي يومين وصلات للمغرب رحلة من واشنطن. هاد الرحلة فشي شكل. حقاش سفارة المغرب فميريكان دارت بيان قالت فيه “نتشرف بإخباركم انكم مسجلون ضمن مسافري رحلة العودة إلى الوطن التي تنظمها الحكومة المغربية، وذلك يوم الخميس 16 يوليوز 2020 من مطار واشنطن دالاس (IAD)، المبرمجة على الساعة 7:00 مساءً بالتوقيت المحلي”
يعني ان مالين هاد الرحلة ما شراوش تذكرة من لارام وان السفارة تكلفات بكلشي. ظاهريا السفارة قالت باللي غادية ترجع الناس اللي وضعهم الصحي فشي شكل، غير محتجون اكدو ل”كود” بالفيديو والصور ان اللي طبق بشكل عام هي “باك صاحبي” وباللي قلال اللي كبار فالسن او مراض وكاينين كثار صحتهم مزيانة وما ناقصهم والو ودخلوهم فهاد الرحلة بسباب العلاقات
السفارة جابت طبيب لمقرها ودارت جوج تيست لهاد المسافرين اللي هزو الراية ورددو الشعارات. طبعا جايين فابور خاصهم يديرو شوية الوطنية باش ينشروها.