كود سبور//
خلقت تذاكر مباراة الرجاء الرياضي والمغرب التطواني ضمن الجولة الثالثة من البطولة الوطنية، جدل كبير وسط الجماهير الرجاوية.
كود سبور//
خلقت تذاكر مباراة الرجاء الرياضي والمغرب التطواني ضمن الجولة الثالثة من البطولة الوطنية، جدل كبير وسط الجماهير الرجاوية.
عدد من أنصار الرجاء الرياضي عبروا عن غضبهم على مواقع التواصل الاجتماعي، بسبب ثمن تذاكر المباراة واللي تم تحديدها فمبلغ 60 درهم بالنسبة للمدرجات المكشوفة و150 درهم بالنسبة للمدرجات المغطاة، وتم طرح للبيع هذا المساء على المنصة المخصصة لذلك.
الثمن ديال تيكي ماتش الخضرا وتطوان، جعل محبين للرجاء يتقلقو وخصوصا من الفئة البسيطة وأصحاب الدخل المحدود، واللي صعيب عليهم يشريو تذكرة ديال ماتش بهذا المبلغ، دون احتساب الأكل والترونسبور اللي غيحتاجوه للذهاب لستاد دونور والعودة البيوت ديالهم.
عشاق الرجاء اللي لم تساعدهم الظروف فاقتناء بطائق الاشتراك، حسو بالحكرة وبقا فيهم الحال بسبب ثمن التذاكر، حيث ما غيكونش بإمكانهم يحضرو ليماتش ديال فرقتهم بهذه الأثمنة، وبالنسبة لهم هذا ظلم وإجحاف فحقهم، حيث كيشوفو فالفريق الأخضر هو المتنفس اللي كيهربو له كل ويكاند من أجل نسيان مشاكل الحياة اليومية، والرجاء بالنسبة لهم فريق الشعب واللي كتدوب الفوارق الاجتماعية بين جمهورها لكن هاذ المرة الكثير من الرجاويين غيتحرمو من لفراجا ديال الرجا فالتيران وغيكتفيو بالتلفزة.