الرئيسية > آراء > رجال السلطة ولاو نجوم بلا ما يقلبو عليها.  مقدم اولاد بلعيد مول “ايلى جمعتو رجليكم حتى حاجة ما تأديكم والقايدة حورية اللي بينات قوة المغربية ولا قياد خراين اللي دافعو على الصالح العام 
23/03/2020 10:10 آراء

رجال السلطة ولاو نجوم بلا ما يقلبو عليها.  مقدم اولاد بلعيد مول “ايلى جمعتو رجليكم حتى حاجة ما تأديكم والقايدة حورية اللي بينات قوة المغربية ولا قياد خراين اللي دافعو على الصالح العام 

رجال السلطة ولاو نجوم بلا ما يقلبو عليها.  مقدم اولاد بلعيد مول “ايلى جمعتو رجليكم حتى حاجة ما تأديكم والقايدة حورية اللي بينات قوة المغربية ولا قياد خراين اللي دافعو على الصالح العام 

كود اسماء غربي كازا ///

https://www.facebook.com/watch/?t=2&v=634673644023092

فهاد حالة الطوارئ الصحية اللي دخلنا فيها باش نواجهو “كورونا فيروس” او بالادق باش ما نخليوهاش توصل لينا ونوقيو ريوسنا اكتشف لمغاربة نجوم من رجالات السلطة. هاد الشي بداه مقدم بوسطاجو وجلاليبو كيهدر فالميكروفون بصوت كيلقاو فيه جزء من لمغاربة ريوسهم. الجزء لعروبي ديالنا. خطاب فيه الطليب والرغبيب والوعيد. كلشي داير بطريقة ذكية. مقدم اولاد بلعيد تشهر بعبارتو السحرية. عبارة حاول كثار يلقاو عمقها ولكن ما نجحوش بحالو. كلشي كان كينصح لمغاربة يبقاو فديورهم. كيوضح بعض المرات لغة ماشي لغة لمغاربة اللي كيهدرو بالدارجة. هاد العبارة هي “ايلى جمعتو رجليكم. حتى حاجة ما تأذيكم”. خرجات من فمو بلا تخمام وهنا فين كاين سحرها. فيها صورة زوينة. 

مقدم بشكلو بطولتو بروحو المرحة اللي ما نساتوش منصبو عطى صورة زوينة لرجال السلطة. لمهنة ما كانش عند لمغاربة علاقة مزيانة معاها. حتى اليوم مع هاد القضية ديال توزيع ورقة الخروج الاستثنائي بقات هاد العلاقة ماشي حتى لهيه. دابا كثار كيتسناوه. كيتسناوه يدوز عندهم ويعطيهم هاديك الورقة.

السلطة بينات على واحد الوعي وتيساع الخاطر كبير ولكن بعض المواطنين بينو العكس .هادشي في طنجة مغوغة السلطة كتطالب المواطنين يحيدو مكبرات الصوت ويخليو الناس تنعس كارثة هاد الناس

Publiée par GOUD sur Dimanche 22 mars 2020

كاينة فئة اخرى من رجال السلطة عندها احتكاك كبير بالمغاربة. هي القياد. النجمة اليوم هي القايدة حورية. اسمها ما جاش مع القياد كيف كاينين فالمخيال المغربي. شكلها حتى هو ضعيفة ماشي كيف كيمثلوه لمغاربة. وهنا كانت المفاجأة. لسانها حار وقراراتها صارمة. قدمات صورة للقايدة الجديدة. للمرأة المغربية الگادة. دايرة بحال شي نحلة فتحركاتها وفالفيديوات ديال تدخلاتها ومزيان انها وثقات هاد الشي حماية ليها وحماية لجهازها باش تبين باللي كلشي قانوني٬ ديما حريصة على المصلحة العامة. على صحة لمغاربة. 

هادشي فوق الخيال القوات العمومية بكل أدب ولباقة واحترام كتنصح الناس وتوعيهم بخصوص كورونا وهوما بداو يرجموهم بالحجر هادشي في تاراست انزكان

Publiée par GOUD sur Dimanche 22 mars 2020

البرلمانية الصحافية حنان رحاب اللي كتعرف حورية وصفاتها ب”آلقائدة المميزة والمعقولة في عملها وفي حياتها.. نعرفها منذ 1997 منذ أيام الكليةً ولقاءات طلابية .. لم تتغير ولا يمكن ان تتغير على طبيعتها لا تتصنع تخاطب المغاربة بلغتهم الام لغة ليس فيها اي تجاوز حقوقي.. حورية الاولى باستمرار في دفعتها والجدية في دراستها .. وهي اليوم جدية في عملها ….. حورية بنت الشعب. هذه هذه الصديقة والسيدة الرائعة الف تحية” هاد القدرة التواصلية ديالها كتبان باش كتسمعها تتكلم “مع  ” مول الخبر .. اللي تيبيع الحوت ..نساء الحي.. ” وهي بلباسها العسكري الرسمي” كتخليه تتحس انها مجرد فرد من عائلتك البسيطة .. عندها قدرة تواصلية مميزة وقريبة جدا من كل المغاربة … فعلا المغرب.. الوطن. تفوق بنسائه..ورجاله.. وخلق الحدث.. وصدم كل المغاربة.. بالمستوى الكبير لبينات عليه مؤسساته.. وبينو عليه ابناؤه وبناته لكاينين في هذ الظرفية في مكان المسؤولية.

دابا بحال هادا شنو خاصو القايدة كتنصح فيه يدخل للدارو ومغامرة بحياتها وهو واقف كيشوف فيها ويكركر

Publiée par GOUD sur Dimanche 22 mars 2020

نفس الصورة دوزوها عدد من القياد. القايد اللي تفاجأ بشي متخلفين كيلعبو الكورة الحديدية “بيتونگ” زمن “كورونا فبيروس” وكلشي كان خاصو يكون فدارو. عطاهم درس كبير فمفهوم الصالح العام. خاصة ان صحاب هاد الرياضة ماشي اميين. نفس الشيء دارو قايد اسفي اللي لقى مدرسة خاصة ديال شي لحية تابع لشي جماعة او توجه فالاسلام السياسي وعاق بيه. كان تدخل كيحتارم القانون. بيداغوجي. بين باللي كيدافع علي المغربي ماشي على مصالح شخصية تقدر تخرج على لبلاد.

هادو رجال السلطة عطاو صورة زوينة فهاد اللحظة المصيرية لشعب كامل. شعب ايلى ربح معركة الوقاية من كورونا فيروس غادي يخرج كبير ولا خسرها ريب كلشي. بشكل من الاشكال هادا هو الميساج اللي كيحاولو مرروها هاد القياد جيل 5 جي

هادو رجال بعقلهم وهادي لعبة اصلا غير ديال الموظفين والاساتذة ومع ذلك خارجين يلعبو ليبول فالشارع والله حتى حشومة حشومة

Publiée par GOUD sur Samedi 21 mars 2020

موضوعات أخرى

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية