الرئيسية > آش واقع > ربورتاج. ساعة فمركز التلقيح بالعاصمة: خوف من فاكسان “جونسون اند جونسون” والتنظيم فالمستوى والأطر الصحية خدامة فوق طاقتها وكاعية على الوزير
29/07/2021 19:30 آش واقع

ربورتاج. ساعة فمركز التلقيح بالعاصمة: خوف من فاكسان “جونسون اند جونسون” والتنظيم فالمستوى والأطر الصحية خدامة فوق طاقتها وكاعية على الوزير

ربورتاج. ساعة فمركز التلقيح بالعاصمة: خوف من فاكسان “جونسون اند جونسون” والتنظيم فالمستوى والأطر الصحية خدامة فوق طاقتها وكاعية على الوزير

هشام أعناجي ــ كود الرباط//

ساعة واحدة بمركز التلقيح حي المحيط بالعاصمة الرباط، كافية ليشعر المرء بمخاوف المغاربة من مخاطر التلقيح، الكل يسأل قبل الدخول للمركز الصحي بهذا الحي، لأخذ الحقنة :”هل يوجد فاكسان جونسون أند جونسون”.

قصة الفتاة الشابة التي توفيت بمراكش، بعد تلقيها حقنة من فاكسان “جونسون اند جونسون”، أثارت بعض المخاوف لدى فئة واسعة من الناس الذي تقاطروا بكثافة على هذا المركز.

“س.م” (30 سنة) حضرت إلى جانب أختها الكبيرة التي تبلغ من العمر 50 سنة، لتلقي الحقنة الأولى بعد تردد كبير لديها، قالت لـ”كود” :”مشينا لحي الرياض هاد الصباح باش نديرو الفاكسان لقينا مركز التلقيح عامر وعدد الحقن سالاو، لذلك جينا لهنا لحي المحيط”.

“س.م” لا تزال مترددة ومتخوفة من تداعيات الفاكسان، مدارتش الفاكسان لبارح، أوضحت لـ”كود” :”انا مزال خايفا ومزال مزعمتش ولكن بغيت ندير الفاكسان وثايقا فبلادي”.

قبل أن تتمم حديثها، بدأ المكلف بتنظيم الوافدين للتلقيح، بالمناداة على اللائحة الثانية، حسب ما عاينته “كود”، كيعيط بالاسم وبالجهد حتى يتأكد.

التنظيم واللوجستيك كتسهر عليه الداخلية، اللي باين هو التجانس بين الأمن ورجال السلطة المحلية والأطر الصحية، تفاهم وتنظيم وتبسيط ولوج المواطن لمركز التلقيح.

ثلاثة مراحل قبل أخذ الحقنة

الساعة تشير إلى الثانية زوالا، حان موعد جرعتي، تمت المناداة علي مع أشخاص آخرين ضمن اللائحة الثالثة.

المرحلة الأولى تبدأ بالمناداة على المسجلين في اللائحة التي يسهر على تنظيمها شخصين من أعوان السلطة.

يصطف هؤلاء الأشخاص المسجلين داخل المركز، وفق الترتيب المحدد سلفا في اللائحة، هنا تبدأ المرحلة الثانية، حيث يتكلف أحد الأعوان بالمناداة على الأسماء واحدا تلوى الآخر لتسجيل أرقام هواتفهم على ورقة صغيرة تلصق مع البطاقة الوطنية التي سلمت لهم قبل ولوج باب المركز.

بعدها بدقائق، تبدأ المرحلة الثالثة، حيث يتم استقبال كل شخص من طرف ثلاثة أطر صحيحة بشكل منتظم، يسألون بدقة عن الوضعية الضحية للمستعدين للتلقيح، وعن الأدوية التي يتناولونها وبالنسبة للنساء يبقى السؤال الأكثر تكرار هو “واش راكي حاملة”.

في هذا المكتب الذي تجلس فيه ثلاثة من الأطر الصحية، تقوم إحداهن بتسجيل المعطيات، والأخرى توجهك نحو غرفة التلقيح.

الأطر طبعا مخبية قلقها من القرارات الوزارية والحكومية، وكيفاش تقولبو فالعواشر ومخداوش منحة كوفيد. اضافة الى تشغيلهم طيلة ايام الأسبوع.

موعد الحقنة.. المشرفة على العملية بطلة رغم المعاناة

في غرفة التلقيح، تقف المرأة الحديدية التي تشرف على العملية، يظهر عليها بعض العياء وفي نفس الوقت حبها للمهنة، فهي إطار صحي ولجت المهنة منذ عشرات السنين.

رغم عدم تشجيع الوزارة للأطر الصحية بحرمانهم من منحة كوفيد في الشطر الثاني، تسهر هذه الأطر على أن تمر عملية التلقيح في سلام.

مور الحقنة كيجسلو ناس فقاعة صغيرة لمدة 10 دقائق حتى يشوفو راسهم مزيانة ومجاتهش الدوخة والأعراض، باستثناء واحد عايناتو “كود” جاتو السخفة شويا ولكن سرعة ما تمت معالجته من طرف الاطر الصحية.

بدوري فاش درت الفاكسان حسيب بالعياء وباقي لحدود الساعة والآلم على مستوى اليد اليسرى للي درت فيه الحقنة، وهادشي حسب الأطباء عادي وغايمشي مع الوقت.

ولاد الحي ولا لا.. المغاربة سواسية فالتلقيح

قبل ماتبدا عملية التلقيح للائحة الثالثة، ناض واحد كيغوت وكيقول واش كاع هاد الناس ساكنين فحي المحيط. هادشي كيستغربو منو ناس، واش كيسحابلو المحيط هي مركز الكون.

طبعا شويا ديال العياقة اللي فيه حتى حد متسوق ليه، العملية غادية وفق بروتوكول، وحتى الأطر اللي كيديرو تلقيح ماشي ولاد هاد الحي. غير هاد العنصرية اللي معجباتنش الناس اللي جاو يديرو الفاكسان.

موضوعات أخرى

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو