كود سبور//

قرر أسطورة كرة القدم ليونيل ميسي يكون كأس العالم 2022 فقطر، آخر مونديال يشارك فيه مع منتخب الأرجنتين، كيفما كانت النتيجة فيه سواء نجح فالتتويج باللقب أو فشل مرة أخرى يبرحو.

وعلن ليونيل ميسي فلقاء صحافي مع شبكة “ستار بلاس” أن مشاركتو مع الأرجنتين فكأس العالم ديال قطر اللي غتبدا شهر نوفمبر المقبل، غتكون هي الأخيرة له كلاعب وأكد أنه اتخذ القرار.

وكيسعى الأسطورة ميسي باش تكون مشاركته مع الأرجنتين تاريخية فمونديال قطر 2022، وينجح فإهداء اللقب الثالث فكأس العالم للأرجنتين من بعدما توجت به فسنة 1978، ومع الأسطورة دييكو مارادونا فسنة 1986، مع العلم أن ميسي ربح كلشي فالكاريير ديالو باقي له غير كأس العالم، وكان وصل مع الأرجنتين للفينال فمونديال 2014، وخسرو مع لالمان.