الرئيسية > آراء > راه خاص تدور الحركة ويخدمو الدراري ويتلاهاو باش مايمشيوش لهادشي ديال الإرهاب.. العلاج الحقيقي كاين فالتعليم وفتحسين مستوى العيشوالإستثمار الحقيقي هو فالبشر
20/03/2019 11:00 آراء

راه خاص تدور الحركة ويخدمو الدراري ويتلاهاو باش مايمشيوش لهادشي ديال الإرهاب.. العلاج الحقيقي كاين فالتعليم وفتحسين مستوى العيشوالإستثمار الحقيقي هو فالبشر

راه خاص تدور الحركة ويخدمو الدراري ويتلاهاو باش مايمشيوش لهادشي ديال الإرهاب.. العلاج الحقيقي كاين فالتعليم وفتحسين مستوى العيشوالإستثمار الحقيقي هو فالبشر

محمد سقراط-كود///

دابا ملي كيتشد شي واحد آشاد بشي عملية إرهابية ويديوه للحبس، واش كيعني هذا أنه من بعد هاد العقوبة غادي يتراجع على الأفكار ديالو ويبانليه راسو راه كان غالط وخاصو يبدل من هاد الأفكار، طبعا لا، فالواقع أغلب لي كيتشدو كيحسو براسهم مظلومين وبانهم قالو كلمة الحق وجاهروا بيها عليها كيتعاقبو، وأن هذا إبتلاء من عند الله، وبزاف منهم كيدخلو للحبس غير ضاربتهم ريحة التشدد حتى كيخرجو منو أكثر تطرفا وبزاف هوما لي مشاو لسوريا من ورا مكانو دوزو الحبس فقضايا عنها علاقة بالإرهاب.

وبحال كاع المعتقلين الحبس فالمغرب عمرو كان بلاصة ديال التربية بل بلاصة باش تتكون فالإجرام، دخلتي شفار صغير تخرج شفار كبير دخلتي بالضرب الجرح المرة التانية تدخل بعاهة مستديمة، دخلتي حيت كتبتي منشور تشيد فيه بالإرهاب إحتمال كبير أنك تخرج إرهابي واجد لا يكتفي بالإشادة وباغي يكون جزء من الفعل، للأسف هذا هو الحبس فالمغرب، لذا راه الحبس بوحدو معندو معنى ومعندو حتى شي فائدة.

راه خاص تدور الحركة ويخدمو الدراري ويتدارو ليهم ديور الشباب باش يلقاو فين يتلهاو ومايمشيوش لهادشي ديال الإرهاب، العلاج الحقيقي كاين فالتعليم وفتحسين مستوى العيش، والإستثمار الحقيقي هو فالبشر( واخا البشر عندنا دوزيام كاليتي من ناحية الأيكيو ولكن راه يقضي غاراض)، أما الحبس بوحدو صيك كيما داير فالمغرب، راه ما حل ماتلعبة، راه الأضرار ديالو كثر من المنافع إن كان كيتعتابر مكان للتقويم السلوكي.

التعليم دابا فالحضيض وموشكيل تابع موشكيل فهاد السنوات الأخيرة، والمدرسة العمومية آخر حاجة كتدير حاليا هي أنها كتوعي التلميذ بل العكس بزاف ديال صحاب الأفكار المتشددة راهم مخشيين فالتعليم وكيأدلجوا التلاميذ من الصغر ديالهم باش تولي عندهم قابلية للتشدد، المقاربة الأمنية والخطط الإستباقية صالحة للوقاية من الخطر، ولكن ماشي علاج للفكر المتشدد أيا كان، الحل هو مقارعة الفكر بالفكر ماشي الفكر بالحبس.

موضوعات أخرى

28/03/2024 14:00

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد