تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش
عفراء علوي محمدي- كود//
المغاربة العالقين مازال كايموتو فالغربة وحتى حد ما كايجيب ليهم خبار، مصادر “كود” كشفات أن غير لبارح مات راجل كبير فولاية فلوريدا فميريكان، ومرا خرا فولاية نورث كارولاينا.
وفالوقت اللي المغرب خصص رحلات للعالقين ففرنسا وتركيا والجزائر وسبانيا وجزر الكناري وهولندا وبلجيكا، باقي كاينين مغاربة كثار فميريكان ودول أمريكا اللاتينية حاصلين، والسفارات والقنصليات ماعطاتهم حتى شي خبار على واش غيرجعو للبلاد ولا لا.
فيديو تم تداولو بشكل كبير ديال المغاربة اللي حاصلين فميريكان، كيحكيو فيه جانب من المعاناة ديالهم، منهم ناس كبار ومراض بأمراض مزمنة وخاصهوم الدوا اللي كيتباع تماك بثمن غالي، ومنهم ناس تقاضات ليهم الفيزا وماعندهم فلوس.
وناشدو المغاربة اللي حاصلين فميريكان الملك محمد السادس باش يشوف من حالهم ويلقى ليهم شي حل.
وفالوقت اللي المغرب مازال ماعطى حتى شي خبار على تاريخ انطلاق الرحلات من وإلى الخارج، مصادر رسمية قالت أن الحدود غادي تفتح ف10 فهذ الشهر، لكن لحد الساعة مازال ما كاين والو.
والاتحاد الأوروبي علن على استئناف الرحلات الجوية ل14 دولة فالعالم ابتداء من هذ الشهر، ومن ضمنها المغرب.
مغاربة حاصلين فميريكا: حنا ناس كبار ومراض ومالاقيينش الدوا.. وكناشدو الملك باش نرجعو لبلادنا
Publiée par Goud.ma sur Vendredi 3 juillet 2020