النكَليز قررات تحبس واحد الراجل فالسبيطار.. متهم بحرق جوج ديال المصلين كانو خارجين من الجامع
كود الرباط//
رئيس الحكومة سعد الدين العثماني، باغي يقلد بنكيران، فالتعامل مع الصحافة، ولكن مكيعرفش ومافيدوش فالتواصل.
قبل يوم من العيد الكبير، باغي بنعرفة يدوز مساجات وعيط على مواقع الكترونية بعينها، من ضمنها مقربين منو ومن حزبو.
طبعا هاد الحوار اللي دار العثماني مع مجموعة من الاعلاميين، مافيهش جديد، مافيهش مفاجآت. اصلا لاش كاع دار.
كاينين مواقع أخرى وصحفيين معيطوش ليهم. استغربو كيفاش كيستغل العثماني رئاسة الحكومة ويعيط لمن بغا. في حين من حق الصحفيين الوصول الى المعلومات.
حسب بعض الصحفيين اللي حضرو، فإن “اللقاء كان باهت جدا”. من غير موقفو من تسريب فيديو للصحافي سليمان الريسوني فالسجن، واللي قال بأنه ضده. وبلي هضر معر المندوب ديال ادارة السجون وبلي غايزيد يهضر معه. ولكن في نفس الوقت كشف بلي “ادارة السجون ولات مؤسسة شبه مستقلة”.
اللي فيدو فيدو.. واللي مافيدوش راه مافيدوش. هذا هو الفرق بين بنكيران والعثماني.