27/04/2024 12:00
مدير الثانوية اللي حصل ففي يو كيتحرش بتلميذة قاصر “هرب”.. والنيابة العامة دارت عليه مذكرة بحث وسدات عليه الحدود
الوالي الزاز -كود- العيون///
دار رئيس المجلس الشعبي الجزائري -البرلمان- إبراهيم بوغالي، محادثات مع السفير الفرنسي فالدزاير، ستيفان روماتي، فسياق التواصل بين البلدين والتعاون بيناتهوم.
هاد اللقاء استاغلو رئيس برلمان العسكر، إبراهيم بوغالي، باش يبعث رسائل للسفير الفرنسي ويشوش على العلاقات بين المغرب وفرنسا بحكم أن الشغل الشاغل عند نظام العسكر هو المغرب والكيفية اللي ممكن بيها يجسد معاداتو للوحدة الترابية للمملكة المغربية، خاصة بعد الزيارة الأخيرة ديال وزير الشؤون الخارجية الفرنسية، ستيفان سيجورني للمملكة المغربية وتأكيدو على دعم بلادو لمبادرة الحكم الذاتي كأساس لتسوية ملف الصحراء، وأن الرباط خاصها تعول على باريس فهاد الدعم.
رئيس برلمان نظام العسكر بعدما ناقش مع السفير الفرنسي العلاقات والتعاون والوضع فغزة، كرّس دور بلادو فنزاع الصحرا باعتبارها طرف أساسي فالنزاع، وقال للسفير الفرنسي فالدزاير بللي بلادو “حريصة على تقرير المصير فالصحرا”.
ومن جانبو ما تسوقش السفير الفرنسي فالدزاير ستيفان روماتي، لتصريحات رئيس برلمان العسكر، وتغاضى على نزاع الصحرا وماعطاهش أي موقف، واكتفى بالتعليق على التعاون بين البلدين، لأن ماشي نظام العسكر اللي غاد يعطي النصائح لفرنسا وماشي نظام العسكر اللي يقدر يتدخل فسياسات فرنسا الخارجية.
