16/04/2024 09:30
الدكيك: ملي كنقول على شي ماتش صعيب راه ما كنزيدش فيه والدومي فينال مهم حيث مؤهل للمونديال.. وحنا فال الخير على المنتخبات المغربية
كود سبور//
عبر لويس روبياليس رئيس الاتحاد الاسباني لكرة القدم على القلق والخوف ديالو من المنتخب الوطني المغربي ملي يواجه منتخب بلادو الثلاثاء الجاي، فثمن نهائي كأس العالم قطر 2022، وأعتبر بلي المغرب عندو منتخب بمواصفات أوروبية وبلي الماتش فحال إلى غادي يتلعب على أرض مغربية.
لويس روبياليس رئيس إتحاد الصبليون أكد بالمنتخب المغربي هو أوروبي وبلي عندو لعابا كبار وبامكانيات كبيرة وقال فتصريح على قناة “الكاس” القطرية: “المنتخب المغربي هو منتخب على الطراز الأوروبي وعندهم لعابا معروفين عندنا فالصبليون وفكاع بلدان أوروبا، وعندو قوة بدنية كبيرة وغادي يعقد الأمور علينا راه المغاربة كيخدمو مزيان”.
مول الكرة فالصبليون خايف من ضغط الجمهور المغربي والعربي على منتخب بلادو ويؤثر هادشي على نتيجة الماتش وقال: “المغرب بلد محبوب عند جميع الدول العربية والمغاربة كيحسو هنا فقطر فحال إلى كيلعبو فبلادهم وهادشي كنحسو به حنا الصبليونيين فالشارع، راه بزاف ديال الناس هنا فقطر كيلبسو توني الصبليون وكيرشحوها باش تربح كأس العالم وهادشي كيقولوه لنا ولكن حنا عارفينهم نهار الماتش غادي يحيدوه وغادي يشجعو المغرب وحنا عارفين ريوسنا لاعبين ضد المغاربة هنا فقطر فحال إلى لاعبين معهم فبلادهم وفتيرانهم”.
