كود كازا//

المعطيات اللي تم تجميعها من شمال وشرق المغرب كشفات على عائلة جديدة من الذبان اللي كيعيش فالمنطقة، واللي تسمات Stilpon Moroccensis، وهو من نوع من فصيلة Stilpon Loew.

وحسب المجلة البلجيكية لعلم الحشرات، فدراسة نشراتها ف11 مارس الحالي، فالدراسة على هذ النوع من الذبان قادها باحث فالمعهد الملكي البلجيكي للعلوم الطبيعية، وجوج باحثين من مختبر البيئة والنظاميات وحفظ التنوع البيولوجي من كلية العلوم بتطوان، أكدو أن هذ النوع قريب من Stilpon Subnubilus Chvála المكتشف ف1988، وهذ النوع هو الوحيد اللي تعرف لحد الساعة فالمغرب.

وحسب الدراسة، فهذ Stilpon ماتمش دراستو مزيان فالمغرب حتى لدابا، وهذا هو النوع الوحيد اللي تكتشف فالمغرب، فيحين كان تكتشف S. Demnatensis ف1956 لكنه نوع غير موصوف وغير معترف بيه.

مزيد من التفاصيل جابها موقع يا بلادي هنا:

https://www.yabiladi.com/articles/details/107257/decouverte-maroc-d-une-nouvelle-famille.html