كود الناظور///

حرقات لبارح الإثنين 10 ماي الجاري، فالمزبلة الإقليمية  بجماعة أولاد ستوت،  أطنان من مختلف أنواع المخدرات
والكارو لي كانو محجوزين من طرف مصالح الامن والجمارك بالناظور والدريوش.

عملية اتلاف المخدرات والمارو والقرقوبي، تدارت تحت إشراف النيابة العامة، وبحضور لجنة أمنية فيها ادارة الجمارك، الدرك الملكي، الأمن الوطني، الوقاية المدنية، السلطات المحلية وممثل وزارة الصحة.

وقال الأمر بالصرف بإدارة الجمارك فالناظور، أنه جرى إتلاف وحرق ما قدره 26 طن و219 كلغ، منها 26 طن و23 كلغ ديال الحشيش، و151 كلغ ديال الكيف، 16 كلغ ديال الطابة، و 315 كلغ ديال الكوكايين، و6,5 كلغ ديال الهيروين، بالإضافة لأزيد من 9689 ألف قرص ديال القرقوبي، مضيفا ان  قيمتها المالية وصلات لأكثر من 26,2 مليار سنتيم.