نجوى المالحي -كود//
عبد الصمد بنعلة المعروف بدوك صمد كيكوي ويبخ غير بوحدو من بعد الفيديو ديالو بملابس نسائية والشعر والماكياج.
السيد لي حر في راسو نكر في الأول، وشوية رجع دار فيديوهات قال فيهم أنه كيوضح ولا يفسر. حتال هنا مزيان لا مكشل، لكن كيدوي بواحد التعالي وواحد الأنا لي زايدة نغزة، وقال “لي بغاو ينتاقدوني يوصلو لداكشي لي وصلت ليه” و”أنا دوووووك صمد اسم بنيتو بكتافي” و”أنا مثقف ووواعر و و وو”.
أول مرة نشوفو واحد بغا الناس يشكروه ويصفقو عليه حيث مثقف وقاري الكتوبة. “طبيب” المفروض فيه أنه يكون فخور راسو براسو ميتسناش الناس يصفقو ليه.
