اسماء غربي – كود//

البارح الأربعاء كان ثاني اجتماع بين الناس لي غادي يديرو حفل السبوع لكوبل مراكش، لي الزوج كيعاني من إعاقة وكيتحرك على الكرسي فقط.

الاجتماع البارح حضرو فيه كاع القائمين على الحفل الخيري لي غادي يكون نهاية هاد الشهر في كازا، بحضور نجوم الأغنية الشعبية بحال حجيب وعبد الرحيم الصويري وسعاد حسن وحتى حاتم إدار وشاكيرا ديال المغرب.

السبوع واقفة عليه دنيا باطمة شخصيا ومقابلة الشادة والفادة، واخا كتكون خارج المغرب دايرة تنسيق مع كاع لي تطوعو، باش يديرو خدمة زوينة ويفرحو الكوبل.