نجوى المالحي-كود//

القضية ديال التصويرة بالمايو  والمؤخرة العريانة اللي حطات عبير براني خلات دنيا باطمة تعبر على رأيها وتلعن وتسب هادشي لي ولا واقع في الانستكَرام.

المغنية حطات البارح بوسط كتبات فيه “الانستكَرام ولا عبارة عن بسالة. مبقى ميعجب وما بقى مايتشاف فيك. شوها وصافي. والله يلعن بوك يا البوز كيفما بغيتي تكون”.

هاد الهدرة ديال باطمة جات من بعد الاعتذار لي دارت براني وقالت ان الصورة خاصة وماكانش مقصود تحط في الكونط ديالها اللي فيه مليون متابع.

من حق الواحد يعبر على رأيو طبعا، ولكن مخاصش يحكم على الناس، ويعتابر حريات فردية ديالهم كحاجة خايبة. راه صاحبتها سكينة گلامور عرات على مؤخرتها وماقالت عليها والو!