نجوى المالحي-كود//
في المغرب المغني نعمان لحلو اشتهر بالغنا ديالو على مدن بحال “مراكش/الشفشاون/ تافيلات/ زاكورة” ومازال ناوي يزيد يغني مستقبلا على مدن أخرى.
وهاد اليوماين المغنية دنيا باطمة دارت أغنية على الخطى ديال الحلو، وغنات على جمال مدينة “الداخلة” وخرجاتها في احتفالات عيد العرش.
الأغنية تم تصويرها على طريقة الفيديو كليب، وبانت دنيا لابسة لبسة صحراوية على حقها وطريقها، وقالت “الداخلة” من الأغاني الوطنية من بعد “المغرب مغربنا”، و”بشارة الخير” لي مازالين راسخين في ذهن المغاربة”.
الفيديو كليب ديال الأغنية تحط في قناة مدير اعمالها وراجلها البحريني محمد الترك ولحد الآن وصلات لـ200 ألف مشاهدة.
