نجوى المالحي-كود//
الاشاعات والكذوب ديما تابعين دنيا باطمة وهادشي طلع ليها في راسها وقررات أي واحد كذب عليها ولا على عائلتها غادي تدعيه.
وكتبات باطمة لي كاينة حاليا في البحرين مع راجلها ستوري في انستكرام قالت فيها “ان شاء الله تقدرو تعيشو بلا اشاعات وكذوب على دنيا باطمة وعائلتها. وأي واحد يتكلم عنا بالسوء أو تلفيق، يعرف أنه القانون كين فالبلاد وغادي نتابعو قضائيا وناخد حقي”.
وآخر الاشاعات لي خرجات على باطمة هي أنها من عصابة “حمزة مون بيبي” وأن البلوكوز سكينة كلامور جبداتها هي وختها في التحقيق.
وكانت “كود” جابت خبر بشكل حصري البارح بعدما قرقبو على عدنان مول الطوموبيلات لي كان مبحوث عليه وهربان.
