02/05/2024 04:00
الحشايشية ديال ميريكان فرحانين.. الحكومة ديال البلاد كتستعد تصنف القنب الهندي أنه مادة غير ضارة
كود – مكتب العيون//
الفنانة دنيا بطمة دارت حفل كبير فعاصمة الصحراء المغربية العيون انهار السبت الماضي، على الهامش ديال المهرجان الخطابي الذي نظمه حزب الاستقلال، وترأسه نزار بركة الأمين العام للحزب، بحضور مكثف للصحراويين والصحراويات.
الفنانة دنيا باطنة بانت لابسة كسوة فيها اللون ديال حزب “الاستقلال”. لكن السيدة قالت ليك في تصريحات صحيىة معندها حتى شي انتماء سياسي ومعندها علاقة بالميزان. لكن هادشي لي قالت كذوب. حقاش مصدر مقرب من حمدي ولد الرشيد القيادي البارز في صفوف الاستقلال قال هضرة أخرى لـ”كود”.
المصدر نفسه كشف أن الفنانة باطمة قالت ليهوم قبل الحفل أن العائلة ديال باطمة استقلالية وحتى هي استقلالية، بل قالت ليهم بالحرف: “وكان مكونتش استقلالية مغاديش نجي أصلاً لهاد الحفل”.
اول مرة كنعرفو باللي عائلة باطما استقلالية. يستحيل يكونو مع هاد الحزب. الليً عاشو فالحي المحمدي وعرفو عبد الرزاق افيلال ما يمكنش يكون استقلالي.
كما نشرت الفنانة باطمة تدوينة على صفحتها الخاصة بموقع التواصل الاجتماعي “أنستگرام”، وجاء فيها: “مهما نتكلم ومهما نقول منقدرش نعبر عما بداخلي وعن مدى حبي لأهل الصحراء وأهل العيون، شكرا على حبكم وحضوركم يا أروع الجمهور”.
