گوتيريش غاد يتلاقى وزير خارجية الجزائر اليوم وغادي يناقشو الوضع فغزة ونزاع الصحرا
اسماء غربي – كود//
هادي ايام خرجات المغنية المغربية دنيا باطمة اغنية على مدينة الداخلة، قلنا مافيها باس، دارها قبل منها نعمان الحلو اللي ماخلاش مدينة فالمغرب ما غناش عليها، وهاد اليوماين عاوتاني رجعات دنيا لهاد الـ”كرينو” ديال الصحراء.
المتابعين ديال دنيا، لاحظو هاد اللصقة اللي لصقات في الصحراء، وبداو كيشبهوها بسعيدة شرف اللي اصلها من قلعة السراغنة وطالقاها على الناس انها صحراوية وراكبة على الموجة.
ولبارح كان عند دنيا حفل غنائي فالصحراء نيت، والبضبط فالداخلة، وعاوتاني لبسات الملحفة واللباس الصحراوي وتصورات وحطاتهم فالحساب الشخصي ديالها فانستگرام.