اسماء غربي – كود//
دنيا باطما طالع ليها الدم بسبب الممثل يوسف ازلال اللي كا يعيطو ليه فالوسط الفني مسيكة، وقررت توصل معاه للمحاكم بسباب الفيديو اللي دار عليها وانتاشر بشكل كبير فواتساب.
مسيكة دار واحد الفيديو في إطار سلسلة ديال الفيديوهات ديالو كا يلعب فيها واحد البيرسوناج ديال مرا شوافة سميتها مليكة شوبار، وضحك فيه مزيان على باطما، واخا ما جبدهاش بالسمية، ولكن كلشي عرفها هيا من البحرين وسمية راجلها احمد وبنتو هلا ودربها الحي المحمدي.
مسيكة بدا كا يدير هاد الفيديوهات باش يتشهر حيت السينما ما عطاتوش والتلفزيون ما كا يخدمش فيه بسبب ميولاتو الجنسمثلية.
وعرفوه الناس فاش شارك فالفيلم ديال مفتكر “جوق العميين”، ومن بعد في فيلم “خنيفيسة الرماد” ديال سناء عكرود.
