احمد الطيب – كود الرباط//

علمت “كود” أن عبد الله بوصوف، الأمين العام لمجلس الجالية المغربية المقيمة بالخارج، يعيش أسوأ ايامه خصوصا بعدما بانت سميتو فتحقيقات أمنية وقضائية فـملف “تمويل فرحان” مول موقع الشروق، خصوصا وانه كان غايدير درس حسني قدام سيدنا هاد رمضان .

ولكن الصدمة ديال التحقيقات الدقيقة للي دار البوليس والقضاء، بعدات بوصوف لي نشر كتاب مؤخرا بعنوان “إمارة المؤمنين: المرجعية الروحية لوسطية الإسلام” من الجلوس أمام الملك وتقديم الدرس الحسني. السيد كان عندو درس وكان غادي يقدم هاد لكتاب لسيدنا. طبعا كلشي تلغى بسباب تورطو فهاد القضية

وأوضحت مصادر “كود” أن بوصوف اللي بغا يبيض صورتو عبر بلاغ نشرو فالصفحة ديال فالفايسبوك وقحم الرسالة الملكية لي نشرها البارح وسبونسوريزها فالفايس، ماشي غير الدرس الحسني لي تمنع يحضر ليه فكذلك ندوة نظمها مجلس مقاطعة اكدال الرياض وتلغات بسبب هاد التحقيقات.

ها الفضيحة ديال تمويل إدريس فرحان المطلوب للقضاء المغربي في جرائم المس بسلامة الدولة الداخلية والخارجية وإهانة المؤسسات الدستورية والتشهير، بسبابها أحيل بموجبها على النيابة العامة بالدار البيضاء كل من عبد الله بوصوف، الأمين العام لمجلس الجالية المغربية بالخارج، وسعيد الفكاك، القيادي في حزب التقدم والاشتراكية.

التسريبات الأولية لي نشراتها “برلمان. كوم” كتقول بلي تمويلات وصلت لـ100 مليون سنتيم حصل عليها فرحان من مجلس الجالية من 2012.