الرئيسية > آراء > دفاعا عن الصحافة فقط: ضد الاعتداء على صحفي دوزيم من طرف نشطاء حراك الحسيمة و ضد اعتقال المهداوي من طرف الدولة
25/07/2017 20:00 آراء

دفاعا عن الصحافة فقط: ضد الاعتداء على صحفي دوزيم من طرف نشطاء حراك الحسيمة و ضد اعتقال المهداوي من طرف الدولة

دفاعا عن الصحافة  فقط: ضد الاعتداء على صحفي دوزيم من طرف نشطاء حراك الحسيمة و ضد اعتقال المهداوي من طرف الدولة

محمد سقراط- كود

الصحفي لا يتوجب عليه أن يكون مناضل ، الصحافة مهنة غير مناضلة ومكاينش مهن مناضلة ومهن أخرى غير ذلك ، كيما مكاينش مهن عياشية ( من غير هادوك ممتهني التعرض للموكب الملكي على ود الكريمات ودايرينها مهنة) ، غير هو الفرد لي كيزاولها ممكن يكون مناضل كذلك الطبيب والمحامي والنجار ومول خودنجال ، ويمكن يكون موالي للحكومة أو الدولة او موالي لديكتاتورية سالازار، المهم كإنسان وكفرد راه بنادم ومن حقو يتموقف فين بغا، ولكن المهنة مكتعطيهش صبغة نضالية ، الصحفي المناضل معندو تاشي قيمة مضافة على الصحفي الغير مناضل أو لي ممسوقش للسياسة كاع ومكيعرف عليها والو ومقابل غير أخبار الفن مثلا ، الصحافة مهنة ومهنة ماشي ثورية بالضرورة ، والصحافي ماعليه حتى شي مسؤولية اتجاه الشعب أو سياسية ، فقط النزاهة فممارسة مهنته ، وهاد النزاهة هي لي مطلوبة فكاع المهن.

فأسبوع واحد وقعوا جوج حوادث ضد صحفيين ، الأول نهار عشرين يوليوز ملي تم الإعتداء على صحفي للقناة التانية بدعوى أنه صحفي مخزني غير مناضل ممتبنيش قضايا الشعب ، والتانية اعتقال المهداوي فنفس اليوم والحكم عليه من بعد بثلات أشهر ديال الحبس بدعوى أنه صحفي مناضل واقف مع الشعب يدعوهم للإحتجاج من أجل حقوقهم ، وبالنسبة ليا هادو الحوادث بجوج اعتداءات ضد الصحافة الأول من طرف الجماهير والتاني من طرف الدولة وبنفس المنطق ديال نتا ماشي معانا اذن عدونا ، والصحفي لي كيوقف فالوسط ويفكر بمنطق بلا عاطفة أو ميل لإتجاه لحساب الآخر هذا كيتعرض للإعتداء منهم بجوج ولو غير بالسبان فالفايسبوك .

وهنا كيبان أن بعض الشعب كيتعامل بنفس منطق الدولة لي كيعتابرها فاسدة ، والدولة حيث مكونة من أفراد هاد الشعب طبعا كتعامل بمنطق الشعب ، وكل واحد والطرق والآليات ديالو فممارسة الإعتداء على المخالف ليه فالرأي ولي ماجايهش على كانتو ، الشعب بالركل والإعتداء الجسدي محد باقي مكاينش محاكم شعبية ، والدولة بالقانون لي فهاد البلاد يعتبر آلية للإعتداء وماشي لتحقيق العدالة .

موضوعات أخرى

04/05/2024 19:30

الموظفين فمحكمة الاستئناف ففاس غاديين وكيقلالو.. ومصدر لـ”كود”: كاين تخبط كبير فالتجاوب مع طلبات المرتفقين وكثر من 20 ألف ملف جا للمحكمة من الغرف المحذوفة

04/05/2024 19:12

مواجهة بالجويجة قلبات الدنيا فجماعة “عين الشكاك”: الجدارمية شدو المشتبه فيه والضحية حالتو خايبة (صور)

04/05/2024 19:00

فماتش لعبو فيه 4 المغاربة: كشطة ماركا اول هدف ليه ففرنسا وماركا 2 بيوتا على علاء بولعروش

04/05/2024 18:30

القضاء بمراكش دان المتهمين فقضية غرق بنت فبيسين ديال فيلا بواحة سيدي براهيم بعدما كانت مقصرة مع خلجييين

04/05/2024 17:50

الملك فقمة التعاون الإسلامي: خاص رفع أشكال معاناة الشعب الفلسطيني وكنرفضو التهجير القسري والعقاب الجماعي والأعمال الانتقامية ضدو

04/05/2024 17:30

تقرير: الموظفين فالقطاع الخاص فالمغرب تزادو بزاف بكثر من الضوبل مقابل القطاع العام لي التوظيف فيه ثابت والقطاع غير مهيكل باقي كيشغل بزاف