الرئيسية > آراء > دفاعا على شعبية. الناجي: اللي وقع فالحي الحسني ماشي نهاية للقيم راه غير الجوع وحراك غدا غادي يكون وحشي بلا ضمير
31/07/2020 12:00 آراء

دفاعا على شعبية. الناجي: اللي وقع فالحي الحسني ماشي نهاية للقيم راه غير الجوع وحراك غدا غادي يكون وحشي بلا ضمير

دفاعا على شعبية. الناجي: اللي وقع فالحي الحسني ماشي نهاية للقيم راه غير الجوع وحراك غدا غادي يكون وحشي بلا ضمير

كود كازا ///

قال الباحث محمد الناجي ان ما وقع فسوق لغنم بالحي الحسني فكازا ماشي “مروعة من وجهة نظر القيم” ولكن من وجهة نظر المجتمع. فعلاقة بالفوارق الاجتماعية والاقصاء. الباحث اوضح فتدوينة ليه على صفحتو على الفايسبوك ان ما حدث ما عندو علاقة بانعدام الاخلاق ولا الفساد ولا اضمحلال القيم٬ ولكن “راه غير الجوع” اللي كيدفع الناس تهاجم ماشي لغنم ولكن اللحم بعد ما نساو مذاقو.

وشدد على ان اللي بانو فالفيديو غير ناس بساط منسيون وولاو معدومين.

هادو هما اللي غاديين يكونو مخاطبين للسلطات غدا يوضح الباحث. اللي زاد باللي هادو ما عندهم ما ياكلو وفاقدين كل امل ووصلو للحد وما بقاوش قادرين يصبرو. هادو يضيف الناجي كيشفرو باش ياكلو.

وحذر الباحث في تدوينته من حراك الغد٬ وقال باللي غادي يكون “وحشي بلا ضمير” حقاش ما عندو مناش يخاف. ما يخافش من الحبس.

وشدد على ان “كوفيد 19″ ما خاصهاش تسد عينينا على الكارثة المجتمعية” اللي كتوجد واللي كيستافذ منها مسؤولين ففوتاياتهم وما يقدروش يشوفو حتى من السرجم اش واقع.

ولخص الناجي فتدوينتو الحكاية ديال اللي وقع فالحي الحسني باللي قصة “جوع” وباسطا.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها