واش ليوناردو ديكابريو خطب رسميا صاحبتو الجديدة؟ الصحافة دميريكان حاضياه
كود الناظور///
حملة كبيرة نطلقات قبل ايام، من اجل انقاذ حياة الطفلة مروة بنت مدينة ازغنغان بإقليم الناظور، اللي كتعاني من ورم فراسها وخاصها عملية كتكلف 95 الف اورو.
هاد الحملة حسب والد الطفلة قدرات تجمع من المحسنين مبلغ 100 الف اورو، وذلك بعدما تم تداول فيديوهات وصور للطفلة مروة لي عانات مع ورم فراسها، كتاشفو الوالد ديالها بعدما داها لطبيب العينين باش يعرف سبب الام العينين لي عندها.
وكان نشطاء فالفايسبوك ومقربين من البام، قالوا ان خمسين مليون سنتيم من الفلوس لي تحطات فهاد الحملة ساهم بيها رئيس جماعة الناظور رفيق مجعيط، وذلك في محاولة للركوب على هاد الحملة اعلاميا فلوقيتة ديال الانتخابات، ما جعل مقربون من الطفلة يكذبو هادشي جملة وتفصيلا، مؤكدين ان المساهمين ماعندهومش علاقة بالسياسة بتاتا.
وخلف خبر استغلال مرض الطفلة للركوب عليه سياسيا غضب وسط النشطاء لي عتابرو أنه عيب بنادم يحاول يستاغل حتى مرض طفلة باش يسجل نقط فالسياسة.