كود المضيق //

قررت السلطات إغلاق مطعم بمدينة مرتيل في ملكية مستشار جماعي بجماعة بمرتيل، لمخالفته شروط الصحة، لقاو كيعطي لحم خاسر للكليان.

وحسب معطيات “گود” فإن القرار الصادر عن رئيس جماعة مارتيل، جاء بناء على الزيارة التي قامت بها لجنة مشتركة للمطعم واللي لقات لحوم حمراء فاسدة فكوزينة الريسطو.
هاد القرار جا فسياق كتعرف فيه المطاعم مراقبة مشددة من قبل السلطات خصوصا بعد فضيحة مطعم اوزود لي فرشو مواطن عبر الفايسبوك حيث لقا دود فالطاجين.

اللجنة المشتركة المكونة من مصالح العمالة وقسم حفظ الصحة بجماعة مرتيل والمكتب الوطني للسلامة الصحية للمنتجات الغذائية، لقاو عن هاد الريسطو لحم مصالحش للأكل، وبناء على هادشي تقرر اغلاق المطعم لمدة 15 يوم.
وقال مصدر ل”گود” هاد القرار كيعني لي حصل يودي، والناس عيات من الغش فبعض المطاعم.

هاد المراقبة الشديدة لي دارت مصالح عمالة المضيق الفنيدق جات في سياق خطة استباقية للتحضير لموسم الصيف، واستقبال السياح.