الجدارمية د گرسيف حجزوا 800 قرعة ديال الشراب فدار گراب بمنطقة حرشة غراس
وكالات //
وضح بحث جديد داروه علماء فجامعة جنوب فلوريدا (USF) بأن الناس كيخسرو فلوس كثيرة فالشوبينكَ فحالة ما شربو الكافيين قبل.
ودار فريق البحث 3 ديال التجارب فمحلات كتسربي لكليانها الكافي فابور، ولقاو بللي الناس اللي كانو كيتقداو وفايت شربوا كاس ديال القهوة قبل مايبداو يتسركلو وسط المحل، خسرو حوالي 50٪ من الفلوس أكثر وشراو 30٪ أكثر من الناس لوخرين اللي شربو قهوة بلا الكافيين أو غير الماء.
وعلى حساب الدراسة المتشورة نهار 15 يونيو الفايت، فإن مادة الكافيين كتساهم ففرز “الدوبامين” فالدماغ، وبعد زيادة هاد الهرمون فجسمنا، كنحسو بالفرحة والحيوية، وهادشي كيخلينا نخسرو الفلوس أكثر فالشوبينكَ.
و التجارب بدات فاش حطو ماكينات ديال للقهوة فالدخلة ديال محلات تجارية ففرنسا وأخرى فالصبليون، وسرباو هاد المحلات القهوة لأكثر من 300 كليان، فالوقت اللي تحيد الكافيين من بعض الكيسان اللي تسربات لبعض الناس.