الرئيسية > تبركيك > دراسة: شحال ما كنتي مرفح شحال ما عشتي كثر
28/07/2021 01:00 تبركيك

دراسة: شحال ما كنتي مرفح شحال ما عشتي كثر

دراسة: شحال ما كنتي مرفح شحال ما عشتي كثر

كود – وكالات //

الهضرة اللي كانسمعو ديما، بنوع من التعميم، على أن المرفحين مراض وماعندهم صحة …إلخ غير هضرة خاوية، بحيث كشفات دراسة أمريكية أن الفلوس شحال ما كانو عندك فـ البنك فمنتصف العمر، شحال ما قدرتي تعيش أكثر، بحيث كل مبلغ إضافي كايقلل من مخاطر الوفاة بنسبة 5 فالمية على مدار 24 عام.

الدراسة، اللي داروها باحثين من جامعة “نورث وسترن” فـ”إيفانستون” بولاية إلينوي، تعقبات الحالة ديال 5400 شخص فميريكان لمدة 25 عام، وحللات معطيات كاتتعلق بثروتهم وحياتهم.

وتم جمع معطيات المشاركين، اللي فعمرهم 46 عام، بين عام 1994 و1996، وفـ2018 تستأنفات الدراسة عليهم، من بعد ماماتو 1000 منهم.

وقال مول الدراسة، إريك فينيكَود، أن النتائج كاتدل على أن مفتاح الحياة الطويلة هي تكون عند الإنسان ثروة، لما ليها من فوائد صحية مرتبطة بها بحال القدرة على توفير رعاية، وماكلة مزيانة ووقت طويل للراحة.

وقال أن السياسات الحكومية للحد من عدم المساواة فالدخل غاتكون ليها “فوائد صحية كبيرة” على عامة السكان.

واستخدمات الدراسة في “JAMA Health Forum” نماذج البقاء على قيد الحياة لمعرفة العلاقة بين صافي الثروة وطول العمر، وتبين أن وجود المزيد من المال كيأدي لتقليل مخاطر الوفاة، والنتائج كاتجي متشابهة عند الأشقاء.

واكتشفو العلماء أن الشخص اللي عندو أصول مالية أكثر كايميل للعيش لفترة أطول من أخ أو أخت أو توأم بأموال أقل.

موضوعات أخرى

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر