وكالات //

كشفات دراسة ميريكانية جديدة أن الناس اللي ماخداوش الڤاكسان ضد فيروس كورونا معرضين باش يموتو بمضاعفات المرض في حالة إصابتهم بالفيروس 11 مرة، ويدخلو للصبيطار 10 مرات.

الدراسة داروها الخبراء على 600 ألف حالة إصابة بكورونا في 13 ولاية ميريكانية ما بين أبريل ويونيو اللي داز.

الدراسة وضحات أن الناس اللي مادايرينش الڤاكسان معرضين تضربهم كورونا بحوالي 4.5 مرة.

الحل باش جائحة كورونا توقف الزحف ديالها و باش ترجع الحياة لطبيعتها تدريجيا هو كلشي ياخد الڤاكسان من أجل تحقيق المناعة الجماعية.